21 gënjeshtrat e Donald Trump në lidhje me zgjedhjet e vitit 2021 të listuara në aktakuzën e tij të re

Prokurori i posaçëm Jack Smith ka deklaruar të martën se sulmi i 6 janarit të vitit 2021 në Kapitol Hill të SHBA-së ishte “ushqyer nga gënjeshtrat” e thëna nga ish-presidenti Donald Trump. Aktakuza e ish presidentit Trump për katër akuza të reja penale federale, të gjitha të lidhura me përpjekjen e tij për t’a përmbysur humbjen në zgjedhjet e vitit 2020, i parashtron disa nga këto gënjeshtra një nga një.

Edhe në renditjen e 21 gënjeshtrave, aktakuza prej 45 faqesh nuk i afrohet tërësisë së katalogut masiv të pretendimeve të rreme të Trump për zgjedhjet. Por lista është gjithsesi ilustruese – duke e vënë theksin tek gjerësia e temave të lidhura me zgjedhjet për të cilat Trump ishte i pandershëm, numrin e madh të shteteve që përfshinte pandershmëria e tij zgjedhore dhe, në mënyrë kritike, gatishmëria e tij për të vazhduar privatisht dhe publikisht në bërjen e pohimeve të pandershme edhe pasi ato ishin zhbllokuar drejt tij.

Më poshtë po jampim listën e 21 gënjeshtrave të ish presidentit Trump.

Gënjeshtra se mashtrimi ndryshoi rezultatin e zgjedhjeve të vitit 2020, se Trump “kishte fituar në të vërtetë” dhe se zgjedhjet ishin “vjedhur”. (Faqet 1 dhe 40-41 të aktakuzës)

Pretendimi i Donald Trump për zgjedhjet e vjedhura, fituesi i të cilave u përcaktua nga mashtrimi masiv ishte (dhe vazhdon të jetë) gënjeshtra e tij kryesore për zgjedhjet. Aktakuza pohon se Trump e dinte që në vitin 2020 se tregimi i tij ishte i rremë – dhe si i tillë ishte thënë nga shumë zyrtarë të lartë në administratën e tij dhe aleatë jashtë qeverisë federale – megjithatë Trump vazhdoi ta vendoste atë gjithsesi, duke përfshirë edhe vetë 6 janarin.

Gënjeshtra se zgjedhësit e rremë pro-Trump Kolegjit Zgjedhor në shtatë shtete ishin elektorë legjitimë. (Faqet 5 dhe 26)

Aktakuza pretendon se Trump dhe bashkëpunëtorët e tij të dyshuar “organizuan” fletët e rreme të zgjedhësve dhe më pas “shkaktuan” që fletët t’i transmetoheshin zëvendëspresidentit Mike Pence dhe zyrtarëve të tjerë të qeverisë në përpjekje për t’i numëruar ato më 6 janar, ditën kur Kongresi u mblodh për të numëruar votat elektorale.

Gënjeshtra se Departamenti i Drejtësisë kishte identifikuar shqetësime të rëndësishme që mund të kenë ndikuar në rezultatin e zgjedhjeve. (Faqet 6 dhe 27)

Prokurori i Përgjithshëm William Barr dhe zyrtarë të tjerë të lartë të Departamentit të Drejtësisë i kishin thënë Donald Trump se pretendimet e tij për mashtrim të madh kishin rezultuar të jenë të pavërteta. Mirëpo aktakuza pretendon se edhe pas kësaj Trump ka kërkuar që Departamenti i Drejtësisë “të bëjë pretendime të rreme me vetëdije për mashtrime zgjedhore tek zyrtarët në shtetet e synuara përmes një letre zyrtare nën nënshkrimin e Prokurorit të Përgjithshëm në detyrë, duke u dhënë kështu të pandehurve mbështetjen e qeverisë federale dhe duke u përpjekur të ndikojë në mënyrë të pahijshme në shtetet e synuara për t’i zëvendësuar zgjedhësit legjitimë të Biden me ata të të pandehurit”.

Gënjeshtra se Pence kishte fuqinë t’i refuzonte votat elektorale të kandidatit demokrat Biden. (Faqet 6, 32-38)

Pence i kishte thënë vazhdimisht dhe në mënyrë korrekte Trumpit se ai nuk e ka të drejtën kushtetuese apo ligjore për t’i dërguar votat elektorale në shtetet siç dëshironte Trump. Aktakuza thekson se Trump megjithatë vazhdimisht deklaroi se Pence mund ta bënte një gjë të tillë – fillimisht në biseda private dhe takime në Shtëpinë e Bardhë, pastaj përmes rrjetit social Twitter më 5 janar dhe 6 janar, pastaj në fjalimin e Trump më 6 janar në Uashington në një tubim para trazirave – në të cilin Trump, i zemëruar me Pence, dyshohet se e futi pretendimin e rremë në tekstin e tij të përgatitur edhe pasi këshilltarët kishin arritur ta hiqnin përkohësisht atë.

Gënjeshtra se “Zëvendëspresidenti dhe unë jemi plotësisht dakord që Zëvendës Presidenti ka fuqinë për të vepruar”. (Faqja 36)

Aktakuza pretendon se një ditë para trazirave, Trump e “aprovoi dhe bëri që” fushata e tij ta lëshonte një deklaratë të rreme duke thënë se Pence ishte dakord me të në të pasurit fuqinë për t’i refuzuar votat elektorale – edhe pse Trump e dinte, nga një takim kokë më kokë me Pence orë më parë, se Pence vazhdoi të mos pajtohej plotësisht.

Gënjeshtra se Gjeorgjia kishte mijëra vota të hedhura në emra të të vdekurve. (Faqet 8 dhe 16)

Aktakuza vë në dukje se zyrtari më i lartë zgjedhor i Gjeorgjisë – Sekretari i Shtetit Brad Raffensperger – një republikan – i shpjegoi Trumpit në një telefonatë më 2 janar të vitit 2021, se ky pretendim ishte i rremë, por se Trump gjithsesi e përsëriti të njëjtin pretendim në fjalimin e tij në tubimimin e 6 janarit. Raffensperger tha në një telefonatë dhe më pas në një letër të 6 janarit drejtuar Kongresit se vetëm dy raste të mundshme të votuesve të vdekur ishin zbuluar në këtë shtet; Raffensperger tha në fund të vitit 2021 se totali ishte përditësuar dhe ky numër ishte katër sosh.

Gënjeshtra se Pensilvania kishte 205 mijë vota më shumë në raport me numrin e votuesve. (Faqet 8 dhe 20)

Aktakuza vë në dukje se prokurori i përgjithshëm në detyrë i Trump, Jeffrey Rosen dhe zëvendësprokurori i përgjithshëm në detyrë, Richard Donoghue, i kishin thënë atij se ky pretendim ishte i rremë, megjithatë Trump vazhdoi ta ta përsëriste të njëjtin pretendim – duke përfshirë fjalimin e tij në tubimin e 6 janarit.

Gënjeshtra se ka pasur një “hapësirë” të dyshimtë votash në Detroit, Michigan. (Faqet 9 dhe 17)

Aktakuza vë në dukje se Barr, prokurori i përgjithshëm, i tha Trumpit më 1 dhjetor të vitit 2020, se kjo ishte e rreme – siç kishte vënë në dukje CNN dhe të tjerët, gjoja “broçkullat” e liga që Trump vazhdonte t’i përmendte, ishin thjesht fletë votimi që po numëroheshin dhe shtoheshin në totalin publik. si normale – por që Trump përsëri e kishte përsëritur pretendimin e rremë në komentet publike të nesërmen. Dhe Barr nuk ishte i vetmi që u përpoq ta largonte Trumpin nga ky pretendim. Aktakuza vë ne theks gjithashtu faktin se udhëheqësi i shumicës republikane të Senatit të Miçiganit, Mike Shirkey, i kishte thënë Trumpit në një takim në Zyrën Ovale më 20 nëntor të vitit 2020, se Trump e kishte humbur shtetin “jo për shkak të mashtrimit”, por sepse Trump “kishte performancë të dobët me disa popullata votuesish”.

Gënjeshtra se Nevada kishte dhjetëra mijëra vota të dyfishta dhe mashtrime të tjera. (Faqja 9)

Aktakuza vë në dukje se zyrtari më i lartë i zgjedhjeve të Nevadës – Sekretarja e Shtetit Barbara Cegavske, gjithashtu një republikane – kishte postuar publikisht një dokument “Fakte kundër miteve” duke shpjeguar se gjyqtarët e Nevadës i kishin hedhur poshtë pretendimet e tilla.

Gënjeshtra se më shumë se 30,000 joshtetas kishin votuar në Arizona. (Faqet 9 dhe 11)

Aktakuza vëren se Trump e vuri numrin në “mbi 36,000” në fjalimin e tij të 6 janarit – edhe pse, thotë aktakuza, menaxheri i tij i fushatës “i kishte shpjeguar atij se pretendimet e tilla ishin të rreme” dhe kryetari i Dhomës së Arizonës, Rusty Boëers, një republikan i cili e kishte mbështetur Trumpin në zgjedhje, “kishte lëshuar një deklaratë publike se nuk kishte prova të mashtrimit të konsiderueshëm në Arizona”.

Gënjeshtra se makinat e votimit në shtetet swing (shtete me nivele të ngjashme të mbështetjes së votuesive) kishin ndryshuar votat nga Trump në Biden. (Faqja 9)

Kjo është një referencë ndaj teorive të rreme konspirative rreth makinerive të Sistemeve të Votimit të Dominionit, të cilat Trump vazhdoi t’i përsëriste shumë kohë pasi u zbulua plotësisht nga krahu i sigurisë kibernetike zgjedhore të administratës së tij dhe shumë të tjerë. Aktakuza thotë, “Prokurori i Përgjithshëm i të pandehurit, ushtruesi i detyrës së Prokurorit të Përgjithshëm dhe Ushtruesi i detyrës së Zëvendës Prokurorit të Përgjithshëm, të gjithë i kishin shpjeguar atij se kjo ishte e rreme, dhe rinumërimet dhe auditimet e shumta e kishin konfirmuar saktësinë e makinave të votimit”.

Gënjeshtra se makinat Dominion ishin përfshirë në “mashtrim masiv zgjedhor”. (Faqja 12)

Aktakuza vë në dukje se Trump, në Twitter, promovoi një padi të ngritur nga një bashkëpunëtor i dyshuar, të cilin CNN e ka identifikuar si avokatin Sidney Poëell, që pretendohet se ka “mashtrim masiv zgjedhor” që përfshin Dominion – edhe pse, thotë aktakuza, Trump privatisht ua kishte pranuar këshilltarëve të tij se pretendimet ishin “të pambështetura” dhe u thanë atyre se Poëell dukej “i çmendur”.

Gënjeshtra se “një numër i konsiderueshëm i joshtetasve, jorezidentëve dhe njerëzve të vdekur kishin votuar me mashtrim në Arizona”. (Faqja 10)

Aktakuza pretendon se Trump dhe një bashkëpunëtor i dyshuar, të cilin CNN e ka identifikuar si ish-avokatin e Trump, Rudy Giuliani, i kanë bërë këto pretendime të pabaza në një telefonatë të 22 nëntorit 2020 me Bowers; aktakuza thotë se Giuliani nuk ka ofruar asnjëherë prova dhe përfundimisht tha, në një takim të 1 dhjetorit 2020 me Bowers, “fjalë për efektin: “Nuk kemi prova, por kemi shumë teori”.

Gënjeshtra se punonjësit e zgjedhjeve të qarkut Fulton, Xhorxhia ishin përfshirë në “mbushje votash”. (Faqet 13 dhe 14)

Kjo është gënjeshtra e shpifur prej kohësh – të cilën Trump ka vazhduar ta përsërisë në vitin 2023 – se një video kishte kapur dy punonjës të zgjedhjeve në Atlanta duke shkelur ligjin. Punëtorët thjesht po bënin punën e tyre dhe, siç thekson aktakuza, ata u pastruan nga keqbërjet nga zyrtarët e shtetit në vitin 2020 – por Trump vazhdoi t’i bënte pretendimet edhe pasi Raffensperger dhe zyrtarët e Departamentit të Drejtësisë i thanë drejtpërdrejt dhe në mënyrë të përsëritur se ishin të pabaza.

Gënjeshtra se mijëra votues jashtë shtetit hodhën votat në shtetin e Gjeorgjias. (Faqja 16)

Aktakuza thekson se Trump e bëri këtë pretendim në telefonatën e tij famëkeqe të 2 janarit 2021 me Raffensperger, stafi i të cilit u përgjigj se pretendimi ishte i pasaktë. Një zyrtar në zyrën e Raffensberger i shpjegoi Trumpit se votuesit në fjalë ishin zhvendosur në mënyrë autentike në Gjeorgji dhe kishin votuar në mënyrë legjitime.

Gënjeshtra se Raffensperger “nuk ishte i gatshëm ose ishte i paaftë” për t’i adresuar pretendimet e Trump lidhur me “mashtrimin e “fletave të votimit nën tavolinë”, shkatërrimin e fletëvotimeve, “votuesit” jashtë shtetit, votuesit e vdekur dhe më shumë”. (Faqja 16)

Në fakt, në kundërshtim me këtë postim të Trump në Twitter një ditë pas thirrjes, Raffensperger dhe stafi i tij kishin adresuar dhe i kishin përgenjështruar të gjitha këto pretendime të rreme të Trump.

Gënjeshtra se kishte një mashtrim të konsiderueshëm në Wisconsin dhe se ky shtet kishte dhjetëra mijëra vota të paligjshme. (Faqja 21)

Pretendim i rremë. Mirëpo aktakuza thotë se Trump e bëri pretendimin e paqartë të mashtrimit në një postim në Twitter më 21 dhjetor të vitit 2020, pasi Gjykata e Lartë e shtetit e mbështeti fitoren e Biden dhe përsëriti pretendimin më specifik për dhjetëra mijëra vota të paligjshme në fjalimin e 6 janarit.

Gënjeshtra se Wisconsin kishte më shumë vota të numëruara se sa kishte votues aktualë. (Faqja 21)

Ky, sikurse pretendimi i ngjashëm i Trump për Pensilvaninë, nuk është i vërtetë. Mirëpo aktakuza pretendon se Trump e ngriti pretendimin në një bisedë të 27 dhjetorit 2020 me ushtruesin e detyrës së Prokurorit të Përgjithshëm Rosen dhe Zëvendës Prokurorit të Përgjithshëm në detyrë Donoghue, të cilët e informuan atë se pretendimi ishte i rremë.

Gënjeshtra se zgjedhjet ishin “të korruptuara”. (Faqja 28)

Aktakuza pretendon se kur ushtruesi i detyrës së Prokurorit të Përgjithshëm Rosen i tha Trump në thirrjen e 27 dhjetorit të vitit 2020 se Departamenti i Drejtësisë nuk mund dhe nuk do ta ndryshonte rezultatin e zgjedhjeve, Trump u përgjigj: “Vetëm thuaj se zgjedhjet ishin të korruptuara dhe largohu, pjesën tjetër ma lë mua dhe kongresmenëve republikanë.” (Zëvendës Prokurori i Përgjithshëm Donoghue e përkujtoi vërejtjen e raportuar të Trump në shënimet e tij të shkruara me dorë, për të cilat CNN raportoi në vitin 2021 dhe të cilat u botuan më pas nga komiteti i Dhomës së Përfaqësuesve që hetoi trazirat e Kapitolit.)

Gënjeshtra se Trump fitoi çdo shtet me qindra mijëra vota. (Faqja 34)

Aktakuza thotë se, në një takim të 4 janarit të vitit 2021 që synonte ta bindte ish zëvendës presidentin Pence që t’i refuzonte në mënyrë të paligjshme votat elektorale të Bidenit dhe t’i kthente ato në legjislaturat e shteteve të lëkundura, Pence mbajti shënime duke e përshkruar Trumpin duke thënë: “Përfundimi fitoi çdo shtet me 100,000 vota.” Kjo ishte, padyshim, e rreme edhe nëse Trump po fliste në mënyrë specifike për shtetet swing të fituara nga Biden dhe jo për çdo shtet në SHBA.

Gënjeshtra që Pensilvania “dëshron të ricertifikim”. (Faqja 38)

Trump e bëri këtë pretendim të rremë në fjalimin e tij të 6 janarit. Në realitet, disa ligjvënës republikanë të shtetit në Pensilvani kishin shprehur dëshirën që të paktën ta vononin afirmimin e fitores së Bidenit nga Kongresi – por guvernatori demokrat i shtetit dhe zyrtari kryesor i zgjedhjeve, i cili në fakt e kishte pushtetin e certifikimit të zgjedhjeve në shtet, nuk kishte dëshirë të riafirmonte fitoren legjitime të Bidenit. /CNN

Përgatiti: Nuhi Shala