Posta e Kosovës lëshon në qarkullim pullën postare dedikuar Edi Shukriut
Posta e Kosovës ka lëshuar sot në qarkullim një pullë postare dedikuar arkeologes, Edi Shukriut.
Edi Shukriu ishte njëra nga arkeologet e para në Kosovë.
“Nga sot, Posta e Kosovës lëshoi në qarkullim postar emisionin e jashtëzakonshëm të pullës postare dedikuar njërës nga femrat më emblemike të Kosovës, Edi Shukriu” – thuhet në njoftimin e Postës së Kosovës në Facebook.
Edi Shukriu lind në Prizren 1950. Studimet për arkeologji i përfundojë me 1979 në Beograd.
Pas diplomimit punoi në Muzeun e Kosovës, pastaj Universitetin e Prishtinës. Ishte anëtare e Akademisë së Shkencave dhe të Arteve të Kosovës dhe Akademisë Evropiane të Shkencave dhe të Arteve.
Edi Shkriu ishte edhe shkrimtare dhe laureate e disa çmimeve në letërsi.
Për kontributin e jashtëzakonshëm në fushën e trashëgimisë, u dekorua me çmimin “Dea Dardanica” nga Ministria e Kulturës, Rinisë dhe Sportit.
Ajo vdiq 17 janar 2023 në Prishtinë.