Fotografia e manipuluar e Haradinajt dhe Mustafës
Deklarata
Të dielën duhet të kthejmë orën prapa” “Atë që e more në zyre të Qeverisë a?
Vlerësimi
Rrenë
Publikimi me përmbajtjen “Të dielën duhet të kthejmë orën prapa” “Atë që e more në zyre të Qeverisë a?”- është i rremë. Krypometër ka verifikuar me burime zyrtare se një deklaratë e tillë nuk është thënë nga personat të cilëve u atribuohet.
Artikulli
Më 26 tetor 2023, faqja e Facebook-ut Adhurim Caps (arkiva) ka publikuar një fotografi të ish-kryeministrave, Ramush Haradinaj dhe Isa Mustafa me përshkrimin “Ah ditët e vjetra ah kishim shyhret…”.
Fotoja mban mbishkrime përmes të cilave pretendohet se është bisedë mes Hardinajt dhe Mustafës: “Të dielën duhet të kthejmë orën prapa” “Atë që e more në zyre të Qeverisë a?”.
Krypometër ka verifikuar nëse kjo përmbajtje është e vërtetë.
Krypometri përmes aplikacionit TinEye ka gjetur fotografinë reale, e cila është shkrepur në shtator të vitit 2017, ditën kur Haradnaj kishte marrë detyrën e kryeministrit nga Mustafa.
Materiali i publikuar në faqen zyrtare të Qeverisë së Kosovës tregon edhe bisedën që është zhvilluar. “Kryeministri Mustafa i ka uruar sukses kryeministrit të zgjedhur Ramush Haradinaj”– shkruhet në njoftim.
Materiali origjinal nuk e ka përmbajtjen të cilën e ka postuar faqja “AdhuriCaps”.
Isa Mustafa ishte Kryeministër i Kosovës dhe ai mbajti këtë mandat deri në ardhjen e qeverisë së Ramush Haradinaj.
Isa Mustafa është pjesë e Lidhjes Demokratike të Kosovës. Për të verifikuar nëse Mustafa ka thënë ndonjë deklaratë të tillë, Krypometri ka kontaktuar me zëdhënësen e LDK-së, Sibel Halimi. Halimi është pyetur nëse kjo përmbajtje është e vërtetë.
“Biseda nuk ka ndodhur në të vërtetë, është sarkazëm”- tha Halimi për Krypometrin më 28 shtator 2023.
Krypometër ka kontrolluar në faqen Adhurim Caps dhe ka konstatuar se materiali nuk ka asnjë shenjë e cila e identifikon këtë material si material sarkastik.