Ministria e Drejtësisë Synon të Ndërtojë Databazë për Krimet e Luftës

Drejtësia Tranzicionale po shihet si një fushë për të cilën kërkohet strukturim institucional nga ana e Ministrisë së Drejtësisë.

Altin Ademi, Këshilltar i Lartë në Ministrinë e Drejtësisë tregoi se është marrë vendim për mbylljen e Institutit për Hulumtimin e Krimeve të Luftës për të krijuar një departament të ri për këtë subjekt.
“Do të quhet Departament për Drejtësi Tranzicionale dhe ideja është që të plotësojmë tri çështje. Ministri ka konsideruar se është tepër e nevojshme që ta vendosim në binarë të shëndoshë me një burokraci funksionale. Ideja është të ndërtohet një databazë që do të ketë kredibilitet të tillë institucional dhe do t’i shërbejë të gjitha organeve të drejtësisë. Natyrisht që do të jetë online”, tha Ademi.

Ai megjithatë lavdëroi punën e bërë deri më tani nga instituti për mbledhjen dhe publikimin e dëshmive.

Përballë Jeta Xharrës lidhur temën e krimeve të luftës debatuan edhe Drita Hajdari, Prokurore Speciale, Refki Suma, Kryetar i Hanit të Elezit, , Ismet Salihu, Drejtor i Institutit të Krimeve të Luftës dhe Njomza Haxhibeqiri nga Fondi për të Drejtën Humanitare në Kosovë.

Emisionin e plotë ‘Jeta në Kosovë’, mund ta ndiqni në linkun e mëposhtëm: