Albulena Haxhiu në #DebatPernime. Foto: Atdhe Mulla
Albulena Haxhiu Refuzon Kalludrën
01.12.2017 - 09:46
Në procesin kundër Albin Kurtit, Albulena Haxhiut, Donika Kadaj-Bujupit e Faton Topallit për lotsjellësin në Kuvend, Ahmet Ahmeti, avokati i Albulena Haxhiut kërkoi përjashtimin e trupit gjykues të këtij gjykimi.
Avokati Ahmeti përjashtimin e kërkoi me arsyetimin se trupi gjykues është i anshëm në këtë proces gjyqësor.
Përbërjen e trupit gjykues e kundërshtoi edhe Albulebna Haxhiu.
Edhe Vetëvendosja ka kërkuar para pak ditësh përjashtimin e trupit gjykues duke i shkruar kryetares së Gjykatës Themelore të Prishtinës për këtë çështje.
Vetëvendosja kërkesën për përjashtim e lidhi me atë se i njëjti trup gjykues sipas saj ka dënuar aktivistët e VV-së për sulmin në Kuvend.