Tesla shet shumicën e bitcoin që kishte në pronësi

Tesla e cila bëri bujë vitin e kaluar kur zbuloi një investim të madh në Bitcoin, tani e ka shitur shumicën e kriptomonedhave që kishte në pronësi. 

Tesla – kompania e veturave elektrike e ka shkarkuar 75% të Bitcoin-it të saj, i cili kishte vlerë rreth 2 miliardë dollarë në fund të vitit 2021.

Ajo po tërhiqet pasi vlera e kriptomonedhës ka rënë ndjeshëm, duke rënë me më shumë se 50% këtë vit.

Tesla tha se e ka blerë monedhën tradicionale me 936 milionë dollarë nga shitjet e saj në Bitcoin.

Shefi i Tesla-s, Elon Musk, ka qenë ndër kampionët e profilit të lartë të kriptomonedhës, me deklaratat e tij në mediat sociale shpesh duke nxitur një aktivitet të rëndësishëm tregtar.

Investimi 1.5 miliardë dollarë i Tesla në Bitcoin, i zbuluar në shkurt të vitit 2021, shkaktoi një rritje të kërkesës në monedhë. Çmimi i kriptomonedhës famëkeqe e të paqëndrueshme u rrit vitin e kaluar në pothuajse 70,000 dollarë në nëntor përpara se të rrëzohej.

Aktualisht, një Bitcoin tregtohet për më pak se 25,000 dollarë.

Tesla vitin e kaluar e ndaloi pranimin e Bitcoin si pagesë për veturat e saj, duke i përmendur shqetësimet në lidhje me ndikimin klimatik të minierave intensive të Bitcoin.

Në atë kohë, Musk tha në mediat sociale se kompania nuk do ta shesë Bitcoin-in që zotëronte./BBC