Prishtina mposhtet nga Ferencvarosi
06.7.2021 - 20:01
Prishtina është mposhtur nga Ferencvarosi me rezultat 3-0, në kuadër të rundit të parë kualifikues në Ligën e Kampionëve.
Prishtina në pjesën e parë bëri paraqitje të mirë duke mos lejuar që të mposhtet.
Në pjesën e dytë, vendasit luajtën më mirë duke kaluar në epërsi me Nguen në minutën e 71’.
Hungarezët e dyfishuan epërsinë në minutën e 74’ me Mmaeen pas asistimit të Makit.
Për 3-0, shënoi Blazic në minutën e 78’.
Ndeshja e kthimit luhet në Prishtinë në javën e ardhshme.