Basketboll: Trepça mposht Rahovecin
Trepça ka triumfuar ndaj Rahovecit si mysafir me rezultat 67-78, në kuadër të xhiros së 20-të në Superligën e Kosovës në basketboll.
Mitrovicasit e nisën mirë ndeshjen duke e fituar çerekun e parë me rezultat 18-26.
Mysafirët luajtën mirë edhe në 10 minutëshin e dytë duke e fituar me rezultat 14-16, për ta mbyllur pjesën e parë me shifrat 32-42.
Në çerekun e tretë Rahoveci u këndell duke e fituar me rezultat 21-16.
10 minutëshi i fundit i takoi mysafirëve të cilët e fituan me rezultat 14-20, për të triumfuar në fund me shifrat 67-78.
Te Rahoveci, Isaiah Traylor dhe Alban Veseli shënuan nga 17 pikë, kurse te Trepça u dalluan Stavros Toutzaiarkis me 18 pikë e 12 kërcime dhe Drilon Hajrizi me 19 pikë e tetë kërcime.
Rahoveci ka 12 fitore dhe tetë humbje, ndërsa Trepça shtatë fitore dhe 13 humbje.
