Kompanitë Johnson & Johnson’s Janssen: Vaksina kundër COVID-19 është 66 - 85% efektive
Kompanitë farmaceutieke Johnson & Johnson’s Janssen kanë njoftuar me 29 janar se vaksina e saj njëdozëshe kundër Covid-19 është 66% efektive në mbrojtjen kundër kësaj sëmundjeje por është 85% efektive në parandalimin e sëmundjeve të vështira – rezultate që mund ta bëjnë atë veçanërisht të vlefshme në përpjekjen për të vaksinuar pjesë të botës me sisteme të dobëta të kujdesit shëndetësor.
Sa për krahasim, vaksinat e autorizuara tashmë në ShBA – një nga Moderna dhe tjetra nga Pfizer-BioNTech – secila kërkon dy doza, me hapësirë ndërmjet tre deri në katër javë. Vaksina e Janssen gjithashtu mund të ruhet në frigoriferë normalë, ndryshe nga Moderna dhe Pfizer-BioNTech, ku të dyja duhet të jenë në gjendje të ngrirë.
Ndërkohë që vaksinat nga Moderna dhe Pfizer-BioNTech janë rreth 94% -95% efektive në mbrojtjen kundër COVID-19, pas përdorimit dydozësh, të cilat bazohen në mRNA, një platformë relativisht e re e vaksinave. Vaksina e Janssen mbështetet në një qasje më tradicionale: ajo përdor një virus të padëmshëm të ftohjes njerëzore për të dhënë një gjen SARS-CoV-2 në sistemin imunitar të njeriut, i cili më pas adaptohet në mbrojtjen e trupit kundër COVID-19. (SARS-CoV-2 është virusi që shkakton COVID-19.)
“Një vaksinë njëdozëshe konsiderohet nga Organizata Botërore e Shëndetësisë, OBSH, si opsioni më i mirë në mjediset pandemike, duke rritur qasjen, shpërndarjen dhe pajtueshmërinë”, tha përmes një deklarate zyrtari i lartë shkencor i J&J Dr. Paul Stoffels. “Efikasiteti 85% në parandalimin e sëmundjes së rëndë COVID-19 dhe parandalimin e ndërhyrjeve mjekësore të lidhura me COVID-19 potencialisht do të mbrojë qindra miliona njerëz nga rezultatet serioze dhe fatale të COVID-19”.
Rezultatet e kompanive Johnson & Johnson’s Janssen u shfaqën disa ditë pasi kompania Novavax me qendër në Maryland raportoi se, në një testim të Fazës 3, vaksina e saj ishte gati 90% efektive në mbrojtjen kundër sëmundjes COVID-19. Këto rezultate janë veçanërisht siguruese pasi që studimi u krye midis 15,000 njerëzve në Mbretërinë e Bashkuar, ku një variant i ri mutant i SARS-CoV-2 po përhapet me shpejtësi të madhe. Efikasiteti i lartë sugjeron që njerëzit e vaksinuar me Novavax, e cila bazohet në një teknologji tjetër të provuar të injektimit të proteinave të bëra nga SARS-CoV-2 për të stimuluar një përgjigje imune, mund të presin mbrojtje të mirë ndaj këtij varianti të ri.
Efikasiteti i vaksinës së kompanisë Johnson & Johnson’s Janssen, megjithëse është më i ulët se ai i versioneve të Moderna dhe Pfizer-BioNTech, ka të ngjarë të mos jetë i mjaftueshëm për autorizim në shumicën e shteteve. Para se të përfundonin studimet për vaksinat e para, për shembull, Administrata e Barnave dhe Ushqimit në SHBA, vendosi një prag minimal prej 50-60% efektiviteti për të marrë në konsideratë dozat për autorizim.
Në studimin e bërë nga kompania Johnson & Johnson’s Janssen, i cila përfshiu më shumë se 43,000 njerëz në tetë shtete – ShBA, Argjentina, Brazili, Kili, Kolumbia, Meksika, Peruja dhe Afrika e Jugut – vaksina njëdozëshe ishte 66% efektive në mbrojtjen nga sëmundja mesatare deri tek sëmundja e rëndë COVID-19 , dhe 85% efektive në mbrojtjen specifike kundër sëmundjeve të rënda rreth një muaj pas injektimit. Efektiviteti ndryshonte varësisht nga shtetet- në ShBA, studimi tregoi se vaksina ishte 72% efektive në mbrojtjen ndaj sëmundjes të moderuara deri tek ato të rënda COVID-19, por 66% në vendet e Amerikës Latine dhe 57% në Afrikën e Jugut.
Studimi i Johnson & Johnson’s Janssen tregon se imuniteti i shkaktuar nga vaksina e saj ishte i mjaftueshëm për mbrojtje kundër sëmundjes COVID-19, dhe ndoshta më e rëndësishmja, për mnga brojtje nga vdekja pas infektimit.
