PSD: Buxhetit i janë ndërruar numrat, por jo mendësia
06.12.2018 - 13:33
Shefi i Grupit Parlamentar të PSD-së, Dardan Sejdiu, tha se draft-buxhetit të vitit 2019 i janë ndërruar vetëm numrat dhe jo mendësia.
“Dokumenti si dokument është i përgatitur mirë, në aspektin teknik e formal. Informacioni është i bollshëm. Por ja që informacioni që prezantohet këtu është deja vu. Numrat ndërrojnë, mendësia është e njëjtë”, tha ai.
Sipas Sejdiut, buxheti i një shteti duhet të përcjellë një lloj mendimi strategjik mbi ekonominë.
“Për 18 vite kemi parë të njëjtën strukturë. Buxheti është një vazhdimësi e mendimit konstruktit financiare të 18 viteve të fundit. 360 mijë qytetarë të republikës së Kosovës janë të punësuar prej 1.8 milionë qytetarëve. Është një numër jashtëzakonisht i vogël”, tha ai.