Zëvendëskryeministri Tahiri: Intervenimi në OVL UÇK i gabuar dhe nxituar
Zëvendëskryeministri i Kosovës ,Besnik Tahiri, tha se intervenimi në shoqatën e Veteranëve të UÇK-së, ishte i gabuar dhe nxituar.
Tahiri tha se ky intervenim nuk i kontribuon stabilitetit në vend.
“Për bindjen time nuk kontribuon në stabilitetin në vend”, tha ai.
Tahiri shtoi se veteranët janë lajmëruar vullnetarisht para drejtësisë.
“Kërkoj nga organet e drejtësisë të respektojnë të drejtat e njeriut, të respektojnë vlerat dhe të kenë kujdes të shtuar në këtë temë”, tha Tahiri.
Drejtësia sipas Tahirit e ka vendin e vet dhe si e tillë duhet të trajtohet.
“Mendojmë dhe kërkojmë që në këtë temë të jemi të kujdesshëm”, përfundoi Tahiri.
Gjatë ditës së sotme njësitet speciale të Policisë së EULEX-it kanë hyrë në zyret e Organziatës së Veteranëve të Luftës së UÇK-së.
FOTO – Forca shtesë të EULEX-it vijnë në zyrat e OVL UÇK