Vdekja e foshnjës në Pejë, prokuroria jep detaje
Prokuroria e Krimeve të Rënda në Prokurorinë Themelore të Pejë ka autorizuar Policinë e Kosovës për të hetuar rastin e vdekjes së foshnjës në Spitalin e Pejës.
Policia e Kosovës ka bërë të ditur se një person ka njoftuar se foshnja e tij ka vdekur gjatë lindjes në Spitalin e Pejës, duke ngritur dyshimet për neglizhencë të stafit mjekësor.
Shkodran Nikçi, zëdhënës i kësaj prokurori tha për KALLXO.com se Policia e Kosovës është urdhëruar të kryej hetimit, po nuk ka dhënë më shumë informacion.
“Prokurorja e Krimeve të Rënda në Prokurorinë Themelore të Pejë, ka autorizuar Policinë e Kosovës për ndërmarrjen e veprimeve hetimore nga Policinë e Kosovës për ketë rast. Gjithashtu, është kërkuar të bëhet obduksioni nga Instituti i Mjekësisë ligjore për të kuptuar shkaqet e vdekjes se foshnjës. Nuk mund të japim më shumë informata në ketë fazë” – tha pwr KALLXO.com zëdhënësi i Prokurorisë së Pejës, Shkodran Nikçi.
Policia e Kosovës ka bërë të ditur se një person ka njoftuar se foshnja e tij ka vdekur gjatë lindjes në këtë spital.
Sipas policisë, ankuesi dyshon se shkak i vdekjes së foshnjës së tij është neglizhenca e stafit mjekësor të Spitalit në Pejë.
“Ankuesi mashkull kosovar ka informuar se në Spitalin e Pejës gjatë lindjes, foshnja ka vdekur dhe sipas ankuesit (babai) dyshon që ka qenë neglizhencë e stafit mjekësor”-thuhet në njoftimin e Policisë së Kosovës.
Trupi i pa jetë i foshnjës është dërguar në IML për obduksion.
Vdes një foshnje në spitalin e Pejës, babai dyshon në neglizhencë të stafit mjekësor
