Të shtëna armësh në Prizren, policia gjeti tri gëzhoja

Dy natë më parë, në Prizren policia kishte marrë një informacion për të shtëna armësh.

Ngjarja sipas policisë ka ndodhur në hapësirat e tregut të gjelbër. Ankuesi kishte raportuar se aty ka pasur të shtëna me armë zjarri.

Njësitet policore kanë dalë menjëherë në vendin e ngjarjes dhe kanë gjetur e konfiskuar tri gëzhoja të kalibrit të panjohur.

Sipas raportit policor, nuk raportohet për të dyshuar e as të lënduar ndërsa rasti është duke u hetuar.

Deri më tani policia nuk ka njoftuar se ka identifikuar se kush gjuajti me armë zjarri ndërsa rasti është iniciuar si shkaktim i rrezikut të përgjithshëm.