Spitali i Mitrovicës - Arkiv
Sulmohen dy infermierë në spitalin e Mitrovicës
05.12.2019 - 11:27
Dy infermierë janë sulmuar gjatë ditës së djeshme në vendin e tyre të punës, në spitalin rajonal të Mitrovicës.
Sipas policisë, rasti ka ndodhur dje rreth orës 19:00.
Në lidhje me këtë rast janë arrestuar dy persona të dyshuar, të cilët dyshohen për sulm ndaj dy infermierëve të cilët kanë qenë në vendin e punës.
Si pasojë e këtij sulmi, viktimat kanë pranuar tretman mjekësor, ndërsa pas intervistimit të dyshuarit me vendim të prokurorit janë liruar në procedurë të rregullt.