Foto; KALLXO.com
Si ndodhi plagosja në Gjakovë, flet avokati i palës së dëmtuar
Një rast i tentim vrasjes ka ndodhur të premten në mbrëmje në qytetin e Gjakovës, ku një burrë raportoi se ishte sulmuar me armë zjarri nga një person duke marr plagë në këmbën e majtë.
Avokati i palës së dëmtuar J.U, Blend Gjini në një deklarim për KALLXO.com ka thënë se e gjithë ngjarja ka ndodhur në një sallon ondulomi.
Tutje, avokati i palës së dëmtuar tha se po përgatisin lëndën për të proceduar në organet e drejtësisë.
“Rasti ka ndodhur në një sallon ondulimi në Gjakovë, motra e J.U është malltretuar prej personit që ka kryer veprën penale, ky si vëlla ka shkuar ta marr motrën për sa sjellë në shtëpinë e vet, ai ka dal dhe ia ka drejtuar armën J.U, por qëllimi ka qenë për diçka edhe më të rëndë, ka pas qëllim ta vrasë”- u shpreh Gjini.
KALLXO.com ka provuar të marr deklarim edhe nga Prokuroria në Gjakovë, por deri në momentin e publikimit nuk është dhënë ndonjë detaj.
Ndërkohë, detaje për rastin sot gjatë ditës dha Policia e Kosovës në raportin 24-orësh.
“Viktima mashkull kosovar ka raportuar se është sulmuar me armë zjarri nga i dyshuari mashkull kosovar (ish-dhëndëri i tij)” – thuhet në njoftimin e Policisë së Kosovës.
“Në vendin e ngjarjes kanë dalë njësitë përkatëse ku kanë gjetur dhe konfiskuar një gëzhojë të kalibrit 7.62 mm. Viktima ka pësuar lëndime trupore dhe i njëjti është dërguar për tretman mjekësor në QKUK-Prishtinë. Nuk raportohet për të arrestuar” – thuhet tutje në raportin e Policisë së Kosovës.
