Ilustrim
Sekuestrohet kanabis në oborrin e një qytetari në Zhegër të Gjilanit
18.5.2022 - 10:38
Në oborr të shtëpisë në fshatin Zhegër të Gjilanit është gjetur një bimë narkotike e llojit ‘Kanabis Sativa’ me gjatësi 1.20 metra.
Për këtë rast është arrestuar një person nga Policia e Kosovës .
Ai po dyshohet për kultivim të bimëve narkotike.
Sipas organeve të rendit, kanabisi kishte qenë i mbjellë në një vazo.
Policia ka thënë se gjatë bastisjes në shtëpinë e personit të arrestuar, saktësisht në oborrin e tij është gjetur dhe sekuestruar një bima narkotike.
Tutje është treguar se ngjarja ka ndodhur të martën rreth orës 09:10.
Policia ka thënë se i dyshuari pas intervistimit me urdhër të prokurorit është liruar në procedurë të rregullt.