Rusia publikon listën e shteteve jomiqësore, në listë edhe Shqipëria
Qeveria e Rusisë ka aprovuar të hënën listën e shteteve të huaja dhe territoreve, që pretendon se kanë kryer veprime jomiqësore kundër Rusisë.
Në mesin e shteteve gjendet edhe Shqipëria.
Kjo është bërë e ditur nga ana e mediumit rus Tass.
Përveç Shqipërisë, në këtë listë janë përfshirë edhe Shtetet e Bashkuara të Amerikës, Britania e Madhe e vende tjera.
“Në listë është përfshirë SHBA-ja, Kanadaja, shtetet e Bashkimit Evropian, Britania e Madhe, Ukraina, Mali i Zi, Zvicra, Shqipëria, Andorra, Islanda, Lihtenshtajni, Monako, Norvegjia, San Marino, Maqedonia e Veriut, Japonia, Australia, Mikronezia, Zelanda e Re, Singapori e Tajvani” thuhet në njoftim.
Sipas njoftimit vendet dhe territoret e përmendura në listë vendosën ose iu bashkuan sanksioneve kundër Rusisë “pas fillimit të një operacioni special ushtarak të Forcave të Armatosura Ruse në Ukrainë”.
Tash e gati dy javë, Rusia ka nisur agresion në Ukrainë.