Qytetari nga Kaçaniku i dorëzon në polici paratë e gjetura në rrugë

Një qytetar nga Kaçaniku ka gjetur një shumë të caktuar të parave dhe i ka dorëzuar në stacionin e policisë në Kaçanik, kanë njoftuar organet e rendit.

“Me datën 28.02.2023 rreth orës 16:30 qytetari E.Dema nga Kaçaniku, i moshës 29 vjeçar, në rrugën ‘’Ismail Raka ‘’ në Kaçanik i ka gjetur një shumë të caktuar të parave dhe i ka dorëzuar në stacionin e policisë në Kaçanik”- thuhet në njoftimin e policisë.

Policia ka kërkuar që pronari i vërtetë i këtyre parave të paraqitet në stacion dhe t’i marrë ato.

“Lusim pronarin e vërtetë të këtyre parave të paraqitet në stacionin e policisë në Kaçanik, ç’do ditë nga ora 08:00-16:00 dhe të vërtetohet pronësia, në mënyrë që ti dorëzohen më pas”- thuhet në njoftimin e policisë. Me këtë rast policia rajonale e Ferizajt e ka falënderuar qytetarin E. Dema për gjestin human dhe shembullor me rastin e dorëzimit të parave në stacionin e policisë”.