![](https://kallxo.com/wp-content/uploads/2022/07/Qeveria-e-Kosoves-720x480-1-720x480.jpg)
Qeveria e Kosovës vendos sanksione ndaj Iranit dhe miratoi pakon e re të sanksioneve ndaj Rusisë
Qeveria e Kosovës sot më 13.06.2024, ka miratuar pakon e sanksioneve ndaj Republikës Islamike të Iranit dhe pakon e re të sanksioneve kundër Federatës Ruse.
Zëvendësministrja e Jashtme, Liza Gashi, ka thënë se sanksionet janë të koordinuara me Shtetet e Bashkuara të Amerikës, Bashkimin Europian e aleatët e tjerë.
“MPJD propozon vendimet për zbatimet e pakos së sanksioneve ndaj Federatës Ruse si dhe pakon e sanksioneve ndaj Republikës Islamike të Iranit, ndaj personave dhe subjekteve të përfshirë në aktivoteteve berthamore dhe personave që ofrojnë mbështetje qeverisë së Iranit”- ka thënë ajo.
Ndërsa ka thënë se sanksionet ndaj Rusisë janë të lidhura edhe me vdekjen e opozitarit rus Alexei Navalnyn.
Edhe me herët, Qeveria e Kosovës ka vendosur sanksione ndaj Federatës Ruse dhe Bjellorusisë, në raport me situatën në Ukrainë.
Që nga 24 shkurti, Rusia ka nisur sulmet ndaj Ukrainës.
Sanksionet e mëhershme të Kosovës ndaj Rusisë i gjeni në këtë LINK.