MIllorad Dodik
Probleme me mushkëri, Dodik shtrohet në spital
21.12.2020 - 11:38
Anëtari serb i Presidencës së Bosnjës dhe Hercegovinës, Milorad Dodik, është shtruar në spitalin e Republikës Serbe të Bosnjës, njofton RTRS.
Spitali ka njoftuar se Dodik po ndjehet mirë edhe pse ka pneumoni në të dy anët e mushkërive.
Sipas spitalit, Dodik nuk është duke u trajtuar me oksigjen.
Më parë, edhe djali tij, Igor Dodik, konfirmoi se lideri i serbëve të Bosnjës është pranuar në spital.
Dodik ndodhet në izolim që nga 19 dhjetori për shkak të kontaktit me një person që ka rezultuar pozitiv me COVID-19.