Prizren, 'plumbat qorr' i dëmtojnë dy vetura
05.1.2023 - 12:59
Një grua në Prizren ka raportuar në Policinë e Kosovës se një predhë e armës së zjarrit i ka dëmtuar veturën, në rrugën Ekrem Rexha.
Sipas raportit policor, vetura e ankueses ishte pronë e një marketi të cilën ajo e kishte në shfrytëzim.
Policia thotë se njësitë relevante kanë dalë në vendin e ngjarjes.
Në lidhje me rastin është konsultuar prokurori i shtetit dhe rasti vazhdon të hetohet.
Ndërkaq në Rrugën Ilaz Kuka po në komunën e Prizrenit, një burrë është ankuar në polici se një predhë e armës së zjarrit ka dëmtuar kapakun e motorit të veturës së tij private.
Njësitë relevante policore kanë dalë në vendin e ngjarjes. Ndërkaq, në lidhje me rastin është konsultuar prokurori i shtetit dhe rasti vazhdon të hetohet.