Prishtinë, vdes një gjinekolog nga COVID-19
19.8.2020 - 22:43
Edhe një mjek kosovar ka vdekur nga COVID-19.
Burime të KALLXO.com tregojnë se B.K. ka vdekur sonte.
I ndjeri ishte mjek i Klinikës së Gjinekologjisë në QKUK.
Për vdekjen e B.K. kanë shprehur ngushëllime edhe kolegë të mjekut.
Nga sëmundja e shkaktuar nga coronavirusi i ri kanë vdekur disa mjekë të Kosovës.
Ndërsa, numri i përgjithshëm i personave të vdekur në Kosovë nga COVID-19 sipas Institutit Kombëtar të Shëndetësisë Publike ka shkuar në 425.