Prishtinë, afër një qendre tregtare arrestohet një grua që kishte një armë zjarri

Policia ka bërë të ditur se në afërsi të një qendre tregtare në Prishtinë ka arrestuar një grua, e cila ishte në posedim të një arme zjarri.

Sipas Policisë, e arrestuara është nga qyteti i Vitisë.

Ajo, sipas Policisë, në rrethana ende të pasqaruara ka marrë një armë zjarri dhe më pas me veturën e saj është larguar në drejtim të panjohur.

Sipas Policisë, dyshohej se ajo mund të lëndonte veten apo persona të tjerë.

E dyshuara më pas, sipas Policisë, është arritur që të identifikohet, lokalizohet dhe arrestohet afër një qendre tregtare në qytetin e Prishtinës pa i shkaktuar asnjë pasojë e pa lënduar veten apo të tjerët.

“Po ashtu gjatë arrestimit nga e dyshuara është konfiskuar edhe arma e zjarrit të cilën e dyshuara e kishte në posedim”- thuhet në njoftimin e Policisë.

Me urdhër të prokurorit të shtetit e dyshuara është duke u intervistuar.

Gjithashtu, sipas Policisë, njësiti i hetimeve është duke punuar për ndriçimin dhe sqarimin e të gjitha rrethanave të rastit.