![](https://kallxo.com/wp-content/uploads/2020/03/hashim-thaci-1-695x310.jpg)
Foto: Hashim Thaçi/ Twitter
Presidenti Thaçi lirohet nga spitali
20.4.2020 - 12:03
Presidenti i Republikës së Kosovës, Hashim Thaçi, pas trajtimit mjekësor të marrë në Klinikën Urologjike të QKUK-së është liruar dhe është kthyer në shtëpinë e tij, ka njoftuar zyra për media e Presidencës.
“Pas shqetësimeve të para, presidenti Thaçi sot në mëngjes kishte shkuar në Emergjencën e QKUK-së dhe me rekomandimin e personelit mjekësor profesional ishte drejtuar në Klinikën e Urologjisë, ku i ka bërë analizat dhe ka marrë trajtimin për dhimbjet që shkaktojnë gurët në veshkë”, thuhet tutje në njoftim.
“Presidenti i Republikës së Kosovës e falënderon gjithë personelin e Qendrës Klinike dhe Universitare të Kosovës për kujdesin e treguar”, thuhet në fund të njoftimit.
www.kallxo.com