Po e dhunonte bashkëshorti, gruaja nga frika hidhet nga kati i dytë i banesës

Një 33-vjeçar është vënë nën prangat e policisë pasi akuzohet për dhunë në familje.

Burimet nga policia thanë se i riu ka ushtruar dhunë fizike ndaj gruas së tij, ndërsa kjo e fundit e frikësuar është hedhur nga kati i dytë i banesës.

Ajo ndodhet në spital nën kujdesin e mjekëve, ndërsa 33-vjeçari është shoqëruar në komisariat.

“Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit E. M., 33 vjeç, pasi në rrugën “Memo Meto”, në banesë, ka ushtruar dhunë fizike ndaj bashkëshortes, e cila është ndjerë e frikësuar dhe është hedhur nga kati i dytë i banesës. Aktualisht kjo shtetase ndodhet në spital, nën kujdesin e mjekëve”, njofton policia, raporton Top Channel.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.