Foto: Ilustrim
Përleshje mes dy të miturve në Prishtinë, përdoren edhe thikat
23.12.2023 - 09:50
Një i mitur është therur me thikë gjatë ditës së djeshme në Prishtinë.
Policia e Kosovës ka njoftuar se therjes me thikë i parapriu një përleshje mes dy të miturve.
Tutje policia ka njoftuar se njëri nga të miturit dyshohet se kreu therjen me thikë e më pas u arrestua edhe nga njësitet policore.
I mituri tjetër është dërguar për trajtim mjekësor pas plagëve që mori.
Në lidhje me rastin është njoftuar edhe prokurori kujdestar.
Me urdhër të këtij të fundit i dyshuari i mitur është dërguar në mbajtje.
Rasti është iniciuar si lëndim i lehtë trupor.