![](https://kallxo.com/wp-content/uploads/2024/06/449176703_1011397637011442_5689379342310511461_n-720x467.jpg)
Osmani: Kosova do të qëndrojë gjithnjë në krah të aleatëve të saj
E para e shtetit të Kosovës, presidentja Vjosa Osmani ka marr pjesë në “Global Women Leaders Summit” që po mbahet në Itali.
Aty, Osmani është takuar me ish-sekretaren e Shtetit të SHBA-ve, Hillary Clinton, ambasadoren Melanne Verveer e shumë personalitete të tjera.
“Dy ditë të mbushura me diskutime përmbajtjesore në Itali në “Global Women Leaders Summit”, bashkë me ish-sekretaren e Shtetit të SHBA-ve, Hillary Clinton, ambasadoren Melanne Verveer, si dhe gra të tjera të jashtëzakonshme nga mbarë bota të cilat janë shembulli më i mirë i lidershipit transformues” – tha presidentja.
Tutje ajo ka thënë se Republika e Kosovës do të qëndrojë gjithnjë në krah të aleatëve të saj për të siguruar një të ardhme më të qëndrueshme e më të sigurt për të gjithë.