![](https://kallxo.com/wp-content/uploads/2019/01/oak.png)
Oda e Afarizmit: Ndalimi i qarkullimit nga një komunë në tjetrën rrezikon funksionimin e bizneseve esenciale
Përmes një shkrese adresuar ministres së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari, Oda e Afarizmit të Kosovës ka shprehur shqetësimin e saj për propozimin që të merret vendim për ndalim të qarkullimit të të punësuarve nga një komunë në tjetrën.
OAK konsideron që një vendim të tillë do të rrezikohet funksionimi i bizneseve esenciale.
“Andaj lidhur me këtë OAK kërkoi që një numër i kufizuar i stafit të ndërmarrjeve, nga sektorët të cilët kanë të lejuar ushtrimin e veprimtarisë të i’u krijohet mundësia për lëvizje. Kjo është më se e nevojshme për menaxherët dhe sigurimin fizik të objekteve, të cilat për shkaqe sigurie është e nevojshmeqë të vizitohen objektet nga menaxherët,ndërsa sigurimi duhet të jetë 24h”, thuhet në njoftimin e OAK-ut.
Ministri i Shëndetësisë, Arben Vitia të hënën ka prezantuar një sërë masash për shkak të COVID-19.
Nga nesër, me 15 prill vetëm një orë e gjysmë kanë në dispozicion qytetarët për t’i kryer shërbimet e tyre, ndërsa për personat në moshën mbi 65 vjeçare është kërkuar që të mos dalin fare nga shtëpitë e tyre.
Deri më tani në Kosovë janë infektuar 377 persona me coronavirus, 63 janë shëruar si dhe janë shënuar 8 vdekje.
Ministria e Shëndetësisë ashpërson masat e lëvizjes së qytetarëve