![](https://kallxo.com/wp-content/uploads/2024/06/448400931_818970650412511_9153468329153847996_n-267x480.jpg)
Nënoficerja e FSK-së diplomon në Akademinë e Nënoficerëve në ShBA
Rreshter Master Shpresa Gashi ka diplomuar me sukses në Akademinë Ushtarake të Rreshter majorëve, të ushtrisë së Shteteve të Bashkuara të Amerikës.
Forca e Sigurisë së Kosovës (FSK) përmes një njoftimi bëri të ditur se Rreshterja Gashi diplomoi në mesin e 495 nënoficerëve të lartë që ishin pjese e kësaj akademie, nga te cilët 65 ishin nënoficerë të lartë ndërkombëtarë nga 55 vende të botës.
“Akademia e nënoficerëve është edukim një vjeçar i nivelit më të lartë të edukimit të nënoficerëve në ushtrinë e ShBA-ve. Misioni i kësaj akademie është të përgatit nënoficerët e lartë që të operojnë në nivel operacional dhe strategjik, duke i aftësuar të kryejnë detyra në pozita udhëheqëse për zbatim të operacioneve tokësore, në një ambient të përbashkët, ndërkombëtarë dhe me agjencione tjera”- thuhet në njoftim.