NATO i kërkon Kosovës 'shtensionim të menjëhershëm' të situatës në veri
Aleanca ushtarake e NATO-s i ka bërë thirrje institucioneve të Kosovës që të “shtensionojnë” menjëherë situatën në veri të vendit.
Zëdhënësja e NATO-s, Oana Lungescu thotë se i bëjnë thirrje të gjitha palëve që të zgjidhin situatën përmes dialogut.
“Ne u bëjmë thirrje institucioneve në Kosovë të shtensionojnë menjëherë situatën dhe u bëjmë thirrje të gjitha palëve që të zgjidhin situatën përmes dialogut. Misioni i NATO-s, KFOR, vazhdon të jetë vigjilent dhe të ofrojë mjedis të sigurt” – ka shkruar në Twitter ajo.
We urge the Institutions in #Kosovo to de-escalate immediately & call on all parties to resolve the situation through dialogue. @NATO_KFOR remains vigilant & will ensure a safe & secure environment.
— Oana Lungescu (@NATOpress) May 27, 2023
Me tensione u përcoll të premten dita e parë e punës e tre kryetarëve të Komunës së Zubin Potokut, Leposaviqit dhe Zveçanit. Pesë pjesëtarë të Policisë së Kosovës pësuan lëndime, xhama të veturave të policisë e të një medias u thyen.
Zhvillimet në veri u komentuan edhe nga ndërkombetarët.
Por, në reagimet e tyre u shprehën të “ashpër” duke i lënë fajin autoriteteve kosovare për të tentuar për të hyrë në objektet komunale.
