Mitrovicë, grabitje me armë lodër
26.11.2021 - 19:33
Një grabitje nën kërcënimin me armë lodër, ka ndodhur në orët e pasdites të së premtes, në Mitrovicë.
Lajmin për KALLXO.com, e ka konfirmuar Fixhrije Pllana nga Policia në Mitrovicë, pa dhënë detaje se ku ka ndodhur grabitja.
Sipas Pllanës, i dyshuari tashmë është arrestuar.
“Në rrugën “Shemsi Ahmeti” është raportuar për një rast grabitje, policia ka arritur ta identifikoj dhe ta arrestoj personin e dyshuar, tek i cili është gjetur një shumë e të hollave dhe një armë lodër”, ka thënë Pllana.