Mbyllet festivali "Anibar", shpallen filmat fitues

Festivali Ndërkombëtar i Filmit të Animuar dhe Animacionit “Anibar” mbrëmë në mbylljen e edicionit për këtë vit  ka shpallur fimat fitues në kategori të ndryshme.

“Anibar” i cili për herë të parë këtë vit erdhi në version virtual me mbi 150 filma si pjesë e programit artistik, i shfaqi ata përmes platformës online.anibar.org.

135 filma kanë qenë pjesë e garës.

Filmat fitues në garën ndërkombëtare janë shpallur :  “Acid Rain”, “Flesh”, “Just A Guy” dhe “Average Happiness”.

Filmat fitues në garën studentore: “Un diable dans la poche”, “In Orbit” dhe  “Gravedad.”

Filmat fitues në garën ballkanike: “All those sensations” dhe “Arka.”

Ndërsa filmat fitues në garën me video animacion muzikor u zgjodhën: “Kishi Bashi – Violin Tsunami”,“Christmas Morning”, “The Turning Point in my belly”, “Arka”.

Filmat fitues të garës së të drejtave të njeriut  janë: “Umbilical” dhe “Migrante.”

Filmat garues janë ndarë në pesë kategori: kategoria e Filmave Ndërkombëtar, Studentor, Ballkanik, e të Drejtave të Njeriut si dhe Video Animacionit Muzikor dhe janë vlerësuar nga juria ndërkombëtare dhe ajo studentore.

Anibar  këtë vit u mbajt  në mënyrë virtuale nga 17 gushti deri me 23 gusht.

Pjesë të prezantimeve ishin figura botërore si  David Silverman, Brooke Keesling, Chris Robinson, Blies Brothers dhe Susi Jirkuff.

Qëllimi i edicionit të njëmbëdhjetë të festivalit ishte njohja e kontributit të njerëzve të cilët po angazhohen për njerëzimin dhe Tokën.