Qeveria Kurti II
Mblidhet Qeveria, pritet lehtësimi i masave anti-COVID
28.5.2021 - 18:05
Në mbledhjen e sotme të Qeverisë, që është paralajmëruar që të fillojë në ora 18:00, pritet që Qeveria të marrë vendim për lehtësimin e masave anti-COVID.
Kjo vie pas takimit gjatë të mërkurës, në mes të ministrit të Shëndetësisë, Arben Vitia, me kryetarët e komunave të Kosovës.
Pas atij takimi, u tha se lokalet do të lejohen të punojnë deri në ora 24:00, e gjithashtu të hiqet ora policore.
Gjithashtu, është paralajmëruar që organizimi i dasmave mund të lejohet nga 15 qershori, kohë kjo edhe kur mërgimtarët janë më në numër në vendlindje.
Deri më sot, ora policore ka qenë deri në ora 22:30 ndërsa lokalet e gastronomisë kanë pasur të drejtë të punojnë deri në ora 22:00.
Organizimi i dasmave në Kosovë do të lejohet nga 15 qershori