Mbi 35 mijë të vdekur që nga fillimi i luftës me 7 tetor, thotë Ministria e Shëndetësisë në Gaza

Ministria e Shëndetësisë në Gaza ka raportuar se numri i njerëzve të vrarë në Rripin e Gazës si rezultat i operacioneve ushtarake izraelite është rritur mbi 35 mijë.

Sipas CNN, Ministria tha se 63 persona janë vrarë në 24 orët e fundit – duke e çuar totalin në 35,034.

114 persona të tjerë u plagosën, duke e çuar totalin e të plagosurve që nga 7 tetori 2023 në 78,755, sipas Ministrisë.

Shifrat janë disi më të larta se mesatarja e fundit pasi operacionet ushtarake izraelite zgjerohen në Rafah si dhe intensifikohen në pjesë të Gazës veriore dhe qendrore .

CNN thotë se ka nuk mundur të konfirmojë numrat e ministrisë së shëndetësisë, e cila nuk bën dallime mes luftëtarëve dhe civilëve në të dhënat e saj.

Në ndërkohë, qindra mijëra njerëz janë larguar nga Rafah pasi Forcat e Mbrojtjes të Izraelit urdhëruan evakuimin.

CNN raporton se sulmet në qytetin jugor të Gazës vranë më shumë se 15 persona të shtunën, sipas zyrtarëve të spitalit.

Shumë prej atyre që largohen nga Rafah u thuhet të lëvizin në vende që tashmë janë të mbushura me njerëz të zhvendosur dhe që po përballen me një krizë humanitare gjithnjë e më të rëndë.