(Foto ilustrim)
Malishevë, policia arreston tre persona e konfiskon një armë
15.6.2024 - 10:23
Tre persona po dyshohet se u përfshinë në veprat penale të kanosjes dhe armëmbajtjes pa leje në fshatin Lubizhdë të Malishevës.
Të dyshuarit janë arrestuar nga policia më 14.06.2024 rreth orës 18:30.
Në bazë të njoftimit të Policisë së Kosovës, të dyshuarit kanë poseduar edhe një armë.
Arma bashkë me gjashtë fishekë të kalibrit 9 milimetra janë konfiskuar. Për këtë ngjarje është njoftuar edhe prokurori i shtetit.
Pas intervistimit, me vendim të prokurorit të dyshuarit janë dërguar në mbajtje.