Lipjan, gjendet e vdekur një 37-vjeçare
26.7.2021 - 21:01
Një grua e moshës 37-vjeçare nga fshati Sllovi të komunës së Lipjanit është gjetur pa shenja jete sot rreth orës 18:30.
Lajmin për KALLXO.com e ka konfirmuar zëdhënësi i Policisë për rajonin e Prishtinës, Agron Borovci.
“Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, e gjinisë femërore, 37 vjeçare. Aktualisht policia ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, tha ai.