Lajçak: Sot nuk është arritur asnjë marrëveshje për targat, ftoj kryenegociatorët të takohen sërish

I dërguari i BE-së për dialogun Kosovë-Serbi, Mirosllav Lajçak, ka njoftuar zyrtarisht se sot nuk është arritur marrëveshje mes Kosovës dhe Serbisë për targat e automjeteve.

Ai tha se pret nga të gjithë akterët të përmbahen nga veprimet, të cilat mund të rrezikojnë sigurinë në terren.

Lajçak përmes një postimi në Twitter ka ftuar kryenegociatorët e të dy palëve që të takohen sërish për të vazhduar diskutimet edhe për çështje të tjera aktuale.

“Sot nuk është arritur asnjë marrëveshje për targat. I ftoj kryenegociatorët të takohen sërish në ditët në vijim për të rënë dakord mbi rrugën përpara dhe për të vazhduar diskutimet për çështje të tjera aktuale. Ne presim që të gjithë akterët të përmbahen nga veprimet, të cilat mund të rrezikojnë sigurinë në terren”, ka shkruar ai.

No agreement has been reached on licence plates today.I invite Chief negotiators to meet again in coming days to agree on the way forward & continue discussions on other current issues.We expect all actors to refrain from actions,which could jeopardise the security on the ground. pic.twitter.com/kJjtXlpqTf

— Miroslav Lajčák (@MiroslavLajcak) April 21, 2022

Besnik Bislimi: Nuk ka marrëveshje mes Kosovës dhe Serbisë për çështjen e targave