Kryeministri i Kosovës, Albin Kurti, Foto: ZKM
Kurti ua ndërron ministritë dy zëvendësministrave
16.11.2023 - 21:52
Kryeministri i Kosovës, Albin Kurti, ka ngarkuar me përgjegjësi dhe detyra të reja dy zëvendësministra të Qeverisë së tij.
Kurti zëvendësministrin e Mjedisit, Planifikimit Hapësinor dhe Infrastrukturës, Avni Zogiani, e ka emëruar zëvendësministër të Financave, Punës dhe Transfereve.
Ndërsa zëvendësministrin e Financave, Punës dhe Transfereve, Resul Makreshin e ka emëruar zëvendësministër të Industrisë, Ndërmarrësisë dhe Tregtisë.
Në njoftimin e Qeverisë është thënë se shefi i ekzekutivit i ka uruar për pozitën e re dhe u ka dëshiruar suksese në punën dhe angazhimin e tyre Zogianit e Makreshit.