Kurti falënderon kryeministrin kroat për mbështetjen ndaj Kosovës
17.1.2024 - 16:58
Në Davos të Zvicrës kryeministri i Kosovës, Albin Kurti u takua me kryeministrin e Kroacisë, Andrej Plenkoviq.
Kurti e Plqnkoviq folën për zhvillim ekonomik e stabilitet institucional, njofton Zyra e Kryeministrit.
Dy kryeministrat ballkanas biseduan edhe për bashkëpunimin mes vendeve e sidomos për fushën e arsimit.
Sipas komunikatës së Kryeministrisë, Kurti falënderoi Plenkoviqin për mbështetjen e Kroacisë ndaj sovranitetit, integritetit territorial dhe sigurisë në Kosovë.
Tutje thuhet se u vlerësua edhe mbështetja në anëtarësimin e Kosovës në organizata ndërkombëtare.