I dyshuari për vrasjen e 19-vjeçarit në Vushtrri sillet në Gjykatë

I dyshuari për vrasjen e 19-vjeçarit në Vushtrri, më 23.03.2025, ka mbërritur në Gjyaktën Themelore të Mitrovicës.

KALLXO.com sjell pamje nga vendi i ngjarjes, ku nën masa të Policisë, i dyshuari B.D., i prangosur sillet në Gjykatë të hënën, më 24.03.2025, rreth orës 16:00.

Zëdhënësja e Gjykatës së Mitrovicës, Hateme Haxhaj ka konfimuar për KALLXO.com se seanca dëgjimore do të jetë e mbyllur për publikun, pasi që sipas saj lënda është ende në fazë të hetimeve.

Ndërsa, zëdhënësi i Prokurorisë së Mitrovicës Valon Preteni konfirmoi se i dyshuari e ka pranuar fajësinë.

“I dyshuari për veprën penale ‘vrasje e rëndë’, me Vendim të Prokurorit, gjendet në ndalim 48-orësh. Është sekuestruar arma me të cilën dyshohet se është kryer kjo vrasje, si dhe janë duke mbledhur provat relevante në lidhje me rastin. Gjatë marrjes së deklaratës i dyshuari e ka pranuar fajësinë për vrasjen.” – tha Preteni për KALLXO.com, më 24.03.2025.

Vrasja në Vushtrri, i dyshuari pranon fajësinë

Një 19-vjeçar është vrarë me armë zjarri në Vushtrri, mbrëmjen e së dielës, më 23.03.2025.

KALLXO.com ka raportuar se i dyshuari për vrasjen e të riut 19-vjeçar është arrestuar nga Policia e Kosovës, pak orë pas kryerjes së veprës.

Kështu pati konfirmuar për KALLXO.com zëdhënësi i Policisë për Rajonin e Mitrovicës, Avni Zahiti.

Detajet e tjera rreth vrasjes, mund t’i lexoni në këtë: LINK.