![](https://kallxo.com/wp-content/uploads/2023/09/LAJMI-I-FUNDIT-Arrestim.jpg)
I dyshuari për tentimvrasjen e rëndë në Pejë mbrohet në heshtje
Një 21-vjecar është arrestuar dje, më 23.05.2024, pasi dyshohet për tentimvrasje të rëndë ndaj tre personave në Pejë.
Ai është intervistuar nga Prokuroria Themelore në Pejë, por 21-vjecari nuk ka pranuar të flasë duke u mbrojtur në heshtje.
Kjo për KALLXO.com është konfirmuar nga prokurori Ersan Qavolli.
Lidhur me motivet e ngjarjes, nga prokuroria është vlerësuar se nuk mund të flasin në këtë fazë të hetimeve.
KALLXO.com raportoi gjatë ditës së entje se Agron Gashi, i dyshuar për vrasjen e rёndё nё tentativë e cila ndodhi më 22.05.2024 në Pejë, ku mbetën të plagosur tre persona, u arrestua nga Policia.
Arrestimin e 21-vjeçarit e kishte konfirmuar për KALLXO.com prokurori Ersan Qavolli.
Ndaj tij brenda afateve ligjore, Prokuroria e Pejës pritet të kërkojë cktimin e masës së sigurisë.
Për Kallxo.com kjo Prokurori ka dhënë detaje mbi të kaluarën kriminale të këtij të dyshuari duke thënë se i njëjti ka pasur aktakuzë për rrezikim të trafikut publik dhe ka një kallëzim penal për kansoje ndaj prokurorit Qavolli që ndërlidhet me rastin e rrezikimit të trafikut publik.
“Ka qenë i akuzuar për rrezikim të trafikut publik, e ka shkel një polic dhe ka ikur nga vendi ngjarjes. Ka qenë në arrati një kohë, është arrestu, ka qenë në paraburgim. Njëkohësisht ky e ka edhe një kallëzim penal për kanosje ndaj prokurorit Ersan Qavolli. Në qat periudhë kur ka qenë për rrezikim të trafikut publik“ – tha Shkodran Nikçi zëdhënës i Prokuorisë së Pejës për KALLXO.
KALLXO raportoi se njëri prej të plagosurve në Pejë është në gjendje të rëndë, përderisa dy të tjerët janë në gjendje stabile.
I plagosuri në gjendje kritike është duke u trajtuar në Mjekimin Intensiv në Qendrën Klinike Universitare të Kosovës (QKUK).