I arrestuari sot për vjedhje të rënda ishte arratisur ditë më parë
07.1.2022 - 23:48
Policia e Kosovës ka njoftuar se sot ka arrestuar një të dyshuar që po kërkohej për disa raste të vjedhjeve të rënda.
Vjedhjet, sipas Policisë, janë kryer në rajonin e Prishtinës në periudha dhe lokacione të ndryshme.
Burime të KALLXO.com thonë se i dyshuari është R.B. nga një fshat i Lipjanit. Atij i është bastisur sonte shtëpia.
Po ashtu, burimet thonë se i dyshuari edhe më parë ishte arrestuar për vepra të njëjta, pra për vjedhje të rënda.
KALLXO.com mëson se i dyshuari para disa ditësh ishte arratisur.
Me vendim të prokurorit ai është dërguar në mbajtje.