Hoti: Prej nesër jemi të gatshëm të pranojmë vlerësimet e dëmeve nga komunat

Kryeministri në detyrë, Avdullah Hoti, ka vizituar sot fshatin Koretin të Kamenicës për të parë nga afër dëmet të cilat i kanë shkaktuar reshjet e ditëve të fundit.

Hoti tha se është mirë që nuk ka asnjë viktimë si pasojë e vërshimeve dhe kjo tregon ngritjen e kapaciteteve të institucioneve që të reagojnë në raste të tilla.

“Janë tri lloj dëme që janë bërë, në shtëpi banimi, në vendbanime, gjithandej nëpër komuna, dëmet në infrastrukturë që në disa raste kanë pamundësuar edhe qasje nëpër shtëpi dhe dëmet në tokat bujqësore”, tha Hoti.

Hoti gjatë kësaj vizite tha se me krijimin e Fondit Emergjent, përmes rezervës shtetërore, nga nesër Qeveria në detyrë, do të jetë e gatshme të pranojë vlerësimet e dëmeve nga komunat dhe në përputhje me mundësitë buxhetore të kompensojnë një pjesë të dëmeve për pjesën e parë, pra për shtëpi të banimeve.

Gjatë vizitës së djeshme në Komunën e Vushtrrisë për të parë gjendjen e krijuar si pasojë e vërshimeve, Hoti ka bërë të ditur se do të themelohet Fondi Emergjent për kompensimin e dëmeve nga vërshimet në të gjitha komunat.

Hoti pas vërshimeve në Vushtrri, premton fond për dëmet e shkaktuara