Gjenden të vdekur dy persona në një shtëpi banimi në bjeshkë të Junikut
25.12.2023 - 15:09
Dy persona janë gjetur të vdekur sot në një shtëpi banimi në bjeshkët e Junikut.
Lajmin për KALLXO.com e ka konfirmuar zëdhënësi i Prokurorisë së Pejës, Shkodran Nikçi, i cili tha se prokurori i Krimeve te Rënda është duke shkuar në vend të ngjarjes.
“Janë dy trupa të pajetë që janë gjetur në një shtëpi banimi në bjeshkët e Junikut. Prokurori i Krimeve te Rënda është duke shkuar në vend të ngjarjes. Njësitet relevante policore do bëjnë hetim rreth shkakut të vdekjes së tyre”- tha Nikçi.
Nikçi ka thënë se dy trupat e pajetë do të dërgohen për autopsi në Institutin e Mjekësisë Ligjore.