Gjakovë, dy të arrestuar për organizim të lojërave të fatit

Dy persona janë arrestuar mbrëmë në Gjakovë, pasi janë hasur në një lokal ku zhvilloheshin lojëra fati.

Sipas njoftimit të Policisë, në vendin e ngjarjes janë konfiskuar tri aparate Apex nga Dogana e Kosovës.

Me vendim të prokurorit njëri nga të dyshuarit është liruar në procedurë të rregullt, ndërsa tjetri është dërguar në mbajtje.

Ngjarja ka ndodhur mbrëmë rreth orës 21:00 në rrugën ‘Musa Zajmi’ në Gjakovë.