Biden: Zelensky refuzonte t’i dëgjonte paralajmërimet tona për invazionin rus

Duke folur me donatorët në një mbledhje fondesh të Demokratëve Presidenti amerikan Joe Biden ka deklaruar se presidenti ukrainas Volodymyr Zelenskyy “nuk donte të dëgjonte” kur inteligjenca amerikane kishte mbledhur informacione se Rusia po përgatitej ta pushtonte Ukrainën.

Këto vërejtje u bënë ndërkohë që ndërsa Biden po fliste për punën e tij për ta forcuar mbështetjen për Ukrainën teksa lufta atje vazhdon në muajin e saj të katërt.

“Asgjë e tillë nuk ka ndodhur që nga Lufta e Dytë Botërore. E di që shumë njerëz menduan se ndoshta po e ekzagjeroja. Por e dija që kishim të dhëna se presidenti rus Vladimir Putin do të futej brenda, territorit ukrainas”.

“Nuk kishte asnjë dyshim për këtë,” tha Biden. “Dhe Zelenskyy nuk donte ta dëgjonte një gjë të tillë.”

Megjithëse Zelenskyy ka qenë frymëzues për popullin nën udhëheqjen e tij gjatë luftës, përgatitja e tij për pushtimin – ose mungesa e tij – ka mbetur një çështje e diskutueshme.

Në javët para fillimit të luftës më 24 shkurt, zyrtarët e administratës së Biden paralajmëruan vazhdimisht Zelenskyn se një pushtim rus ishte shumë i mundshëm.

Në atë kohë, Zelenskyy ishte gjithashtu i shqetësuar për kohën që thirrjet për luftë po e shqetësonin ekonominë e brishtë të Ukrainës./Associated Press