Arrestohen Dardan Molliqaj dhe disa aktivistë të PSD-së
12.1.2021 - 14:02
Policia e Kosovës i ka arrestuar sot disa aktivistë të Partisë Social Demokrate, pasi ata realizuan një aksion simbolik para objektit të policisë, e që në mesin e të arrestuarve është edhe kryetari i kësaj partie, Dardan Molliqaj.
PSD kishte organizuar këtë aksion simbolik për mos respektim të masave anti-COVID-19 nga ana e partive politike para fushatës zgjedhore, të cilët po mbajnë tubime duke i shkelur këto masa.
Aktivistët e PSD-së po ashtu kanë shkruar në objektin e Policisë “Për partitë tubime, për qytetartët dënime”.
KALLXO.com po ashtu ka kontaktuar Policinë e Kosovës për më shumë detaje dhe është duke pritur përgjigje.