Amerika dhuron pajisje mjekësore për Kosovën në vlerë 300 mijë dollarësh
05.8.2021 - 14:21
Ultrazë, monitorë për pacientë, flometra, rregulatorë të oksigjenit, CPAP maskë (pajisje për asistim në frymëmarrje), analizatorë të gazrave, janë pajisjet e dhuruara nga Amerika për Shërbimin Spitalor Klinik Universitar të Kosovës.
ShSKUK ka njoftuar se ky donacion i pranuar sot kap vlerën e 300 mijë dollarësh nga Zyra për Bashkëpunim dhe Mbrojtje në Ambasadën Amerikane në Prishtinë.
“Ky donacion është dhuruar në kuadër të ndihmesës për luftimin e pandemisë së COVID -19”, theksohet në njoftimin e ShSKUK-së.
Donacioni u dorëzua nga Major Ryan D. Conley, shef i Zyrës për Bashkëpunim dhe Mbrojtje në Ambasadën Amerikane në Prishtinë, dhe u pranua nga Ministri i Shëndetësisë, Arben Vitia dhe drejtori i ShSKUK-së, Valbon Krasniqi.