Ambasadori gjerman thotë se pajtohet plotësisht me BE-në: Masat e njëanshme i hedhin benzinë zjarrit
Ambasadori gjerman në Kosovë, Jorn Rohde, ka thënë se e mbështet plotësisht deklaratën e sotme të BE-së, në të cilën u tha se mbyllja e komunave paralele serbe do të ketë efekte negative në jetën e përditshme dhe kushtet e jetesës së komunitetit serb të Kosovës dhe se mund të rrisin tensionet.
Përmes një postimi në “X”, ish Twitter, ambasadori Rohde ka thënë se masat e njëanshme i hedhin benzinë zjarrit.
“Përsëri, unë e mbështes plotësisht këtë deklaratë!Masat e njëanshme vetëm sa i hedhin benzinë zjarrit dhe janë pikërisht e kundërta e uljes së tensioneve. Dialogu i udhëhequr nga BE midis Kosovës dhe Serbisë është i vetmi forum i përshtatshëm për të adresuar këto çështje” – ka shkruar Rohde.
Again, I fully support this statement!
Unilateral measures only add fuel to the fire and are exactly the opposite of reducing tensions.
The EU-led dialogue between 🇽🇰 and 🇷🇸 is the only appropriate forum to address these issues. https://t.co/VOt8nAYTat— Ambassador Jörn Rohde (@GermanAmbKOS) February 4, 2024
Bashkimi Evropian ka thënë se komunat ilegale serbe që u mbyllën gjatë ditëve të fundit nga autoritetet në Kosovë, nuk do duhej të mbylleshin në këtë moment, pasi sipas tyre, kufizon qasjen e komunitetit serb në shërbimet themelore sociale.
BE-ja ka thënë se Kosova duhet të shmangë veprimet e njëanshme, sipas tyre, që mund të rrisin tensionet në vend.
BE-ja kundër mbylljes së komunave ilegale serbe: Kosova të shmangë veprimet që rrisin tensionet