Aksident me fatalitet në Prishtinë
Aksidenti me fatalitet në Prishtinë, Policia jep detajet
Ngasësja e automjetit që dyshohet se ka shkaktuar aksidentin me fatalitet në Prishtinë, është shoqëruar në stacion policor.
Kështu ka konfirmuar për KALLXO.com, zëdhënësja e Policisë së Kosovës për rajonin e Prishtinës, Flora Ahmeti.
Ahmeti ka thënë se aktualisht Policia ka nisë një hetim për zbardhjen e rrethanave që kanë çuar deri te ky aksident trafiku që ndodhi më 26.02.2024.
“Rreth orës 12:40 kemi pranuar informatën se në rrugën Agim Ramadani në Prishtinë, ka ndodhur një aksident trafiku me pasoja fatale” – tha zëdhënësja.
Tutje ajo shtoi se në këtë aksident, kanë qenë të përfshirë një këmbësor dhe një automjet.
E njëjta tha se si pasojë e aksidentit, lëndime të rënda trupore ka pësuar këmbësori, i cili nuk ka arritur të përballojë plagët dhe ka vdekur.
Ahmeti shtoi se vdekjen e viktimës e ka konstatuar ekipi mjekësor në vendngjarje.
KALLXO.com ka raportuar për rastin:
